للتاجر اللي يبيع على وسائل التواصل

الطلب الراجع يكلفك مرتين

مرة وكتك، ومرة بضاعة تكعد أسبوع ما تنباع. بأكّد ما يطلع الطلب إلا بعد ما الزبون يأكّد موقعه ووكت التوصيل بنفسه.

بدون عمولة على الطلبات. تبقى تشتغل بنفس شركة النقل مالتك.

شنو أكّد بالضبط؟

سؤالين يجون بأول رسالة من كل تاجر. نجاوبهم من هسه.

مو شركة توصيل إحنا ما نلمس الطلب أبداً. تبقى تشتغل بنفس شركة النقل اللي تشتغل وياها هسه.
مو موقع بيع زباينك يبقون زباينك. أكّد ما يبيع، وما ينافسك، وما يعرض محلات غيرك عليهم.

نفس الشغل اللي تسويه هسه — بس بدون دفتر، وبدون طلب يرجع لأن العنوان غلط.

تدز صورة المحادثة أكّد يقراها ويملي الطلب إلك: الاسم، الرقم، المنتج، والسعر. تراجعها وتحفظ.
الزبون يأكّد بنفسه يفتح رابط، يحط موقعه على الخريطة، ويختار وكت التوصيل. واللي ما يأكّد، تعرف من الأول إنه مو جاد.
تسلّمه لشركة النقل بضغطة وحدة، والزبون يوصله واتساب إن طلبه بالطريق. وتتابع شكد عندك فلوس عند الشركة.
الزبون يجاوب وصل؟ مثل الصور؟ جوابه يصير سجل لمحلك، يشوفه أي زبون جديد.

كل شي بنفس الاشتراك.

الطلب يملي نفسه صورة محادثة الزبون تكفي. ما تكتب اسم ولا رقم ولا سعر بيدك.
موقع الزبون قبل ما تدز يحط الدبوس بنفسه على باب بيته، ويختار وكت يكون بيه موجود.
فلوسك عند شركة النقل شكد وصل للزبون، شكد بعده بالطريق، وشكد استلمت — بدون دفتر.
حسابك شهر بشهر كم طلب وصل، وشكد بعت — كل شهر.
تعرف زبونك قبل ما تدز إذا أكّد طلبات عند محلات ثانية بأكّد، تشوف العدد — بدون أسماء المحلات ولا تفاصيل طلباته.
تقييمات محد يزوّرها ما يقيّم إلا زبون طلب منك فعلاً واستلم طلبه. ولا إنت ولا إحنا نكدر نغيّر جوابه.
فاتورة تطبعها بورقة A4 كاملة، بيها رقم الطلب والعنوان والمبلغ عند الاستلام.

جرّبه على طلباتك الحقيقية شهر كامل. بعدها 15,000 دينار بالشهر — كل شي بالتطبيق، بدون عمولة على أي طلب.

ابدأ هسه

ما نطلب منك كارت ولا رقم حساب. بس إيميلك.